اسفند آی نین 2 سی یاخینلاشیر و گوروندوگو کیمی آذربایجان چی لار و اوزه للیکله اویرنجی لر اونو آغیرلاماق فیکرینده دیرلر. بو آرادا ایراندا "تورک دیلی نین رسمی لشمه سی" آذربایجان میللی حرکتینده بیر اساسی اولویت اولاراق اویرنجی لر طرفینده ن ایره لی سورولمکده دیر.
طیبعی اولاراق بو آذربایجانین سون آماجی دئییل دیر. آما هر کسه بللی اولدوغو کیمی گونئی آذربایجانین سیاسی لشمه سی و ایره لی یه دوغرو یورومه سینده اولان ان اونملی فاکتور و دونوش نوقطا سی دیر. آذربایجان میللی حرکتی بیر بوتون اولاراق چوخ قوتسال آماجلارا دوغرو گئتمک ده دیر. کیمسه بو آماجلاری قیسیتلایا بیلمز. میلتیمیز اوزو اوز یولونو و سون آماجی نی سئچه جک دیر. او سون آماجا اولاشما دوغرولتوسوندا آنا دیلیمیزین آزادلیغی ان اونملی و بیرینجی آشامالاردان بیریسی دیر. اگر میللی حرکت بو آماجا اولاشا بیلیرسه دئمک بوتون آماجلارینا و او دئدیگمیز سون آماجادا اولاشا بیلیر. آذربایجان میلی حرکتی بویوک بیر پروژه اولاراق اله آلیندیغیندا بو پروژه نین ان اونملی و حیاتی قیسمتی ایراندا تورک دیلینین رسمی بیر دیل موقعیتینه گلمه سی دیر. اصلینده بو آماج بیزلری بیرلشدیرمه قابلیتینده دیر. بو گون آذربایجانین سیاسی آلانیندا چالیشان بوتون گروهلار بو هدف اطرافیندا بیرلشه بیلیر و ائله اونا گوره بو هدف بیزه داها یاخین و ال وئریشلی بیر هدف دیر. گونئی آذربایجان مفکوره سینده اولانلاری و حتی ایرانین فارس بولگه لرینه سپه له نن تورک لری بو آماج اطرافیندا توپلاماق مومکوندور. بیر آیری طرفده ن دونیا سیاسی لرینه، بو هدف اینسان حاقلاری دایره سی ایچریسنده اولدوغوندان دولایی داها آنلایشلی دیر. بوتون پله لری بیر یئرده چیخماق مومکون دئییل. گونئی ده اولان بو باسقی لار ایچریسینده یاشامایان لار گئنلده بو فیکیرله راضی اولمایا بیلیر. آما گئرچک بو کی بیز آنا دیلیمیزی آزاد ائتمه ده ن آنا وطنیمیزی آزاد ائده بیلمه یه جه ییک. ساده جه آغیز دولدوران بوش بوش شعارلارلا سیاسی هدفلره چاتماق ممکون دئییل.
بیز نه زامان بیرلشمه یی و بیرگه موباریزه ائتمه نی تجروبه ائده بیله جه ییک؟ بو گون آرتیق دموکراتیک پرنسیب لره اینانلارین توتوملو هدف لر دوغرولتوسوندا بیرلشمه زمانی گلمیش دیر. "آنا دیلیمیز" بیزی بیرلشدیره بیلیر. بو گون آذربایجان میلتینین اساس ایسته گی بو دیلین رسمی بیر دیل اولماسی دیر. هئچده تصادفی دئییل کی بو گونلر گونئی ده اولان هر بیر متینگین اساس شوعاری:
منیم دیلیم اولن دئییل
باشقا دیله دونن دئییل
آنا دیلینده مدرسه
اولمالی دیر هر کسه
اولموشدور. بیز ذهنیت دونیاسیندان چیخیب بیر آزدا عینیت ده دانیشمالییق. آنا دیلیمیزین آزادلیغی سون آماج دئییل، آما بیر عینیت اولاراق اساسی اولویت دیر.
Yurd.net وبسایت
2007-02-04
طیبعی اولاراق بو آذربایجانین سون آماجی دئییل دیر. آما هر کسه بللی اولدوغو کیمی گونئی آذربایجانین سیاسی لشمه سی و ایره لی یه دوغرو یورومه سینده اولان ان اونملی فاکتور و دونوش نوقطا سی دیر. آذربایجان میللی حرکتی بیر بوتون اولاراق چوخ قوتسال آماجلارا دوغرو گئتمک ده دیر. کیمسه بو آماجلاری قیسیتلایا بیلمز. میلتیمیز اوزو اوز یولونو و سون آماجی نی سئچه جک دیر. او سون آماجا اولاشما دوغرولتوسوندا آنا دیلیمیزین آزادلیغی ان اونملی و بیرینجی آشامالاردان بیریسی دیر. اگر میللی حرکت بو آماجا اولاشا بیلیرسه دئمک بوتون آماجلارینا و او دئدیگمیز سون آماجادا اولاشا بیلیر. آذربایجان میلی حرکتی بویوک بیر پروژه اولاراق اله آلیندیغیندا بو پروژه نین ان اونملی و حیاتی قیسمتی ایراندا تورک دیلینین رسمی بیر دیل موقعیتینه گلمه سی دیر. اصلینده بو آماج بیزلری بیرلشدیرمه قابلیتینده دیر. بو گون آذربایجانین سیاسی آلانیندا چالیشان بوتون گروهلار بو هدف اطرافیندا بیرلشه بیلیر و ائله اونا گوره بو هدف بیزه داها یاخین و ال وئریشلی بیر هدف دیر. گونئی آذربایجان مفکوره سینده اولانلاری و حتی ایرانین فارس بولگه لرینه سپه له نن تورک لری بو آماج اطرافیندا توپلاماق مومکوندور. بیر آیری طرفده ن دونیا سیاسی لرینه، بو هدف اینسان حاقلاری دایره سی ایچریسنده اولدوغوندان دولایی داها آنلایشلی دیر. بوتون پله لری بیر یئرده چیخماق مومکون دئییل. گونئی ده اولان بو باسقی لار ایچریسینده یاشامایان لار گئنلده بو فیکیرله راضی اولمایا بیلیر. آما گئرچک بو کی بیز آنا دیلیمیزی آزاد ائتمه ده ن آنا وطنیمیزی آزاد ائده بیلمه یه جه ییک. ساده جه آغیز دولدوران بوش بوش شعارلارلا سیاسی هدفلره چاتماق ممکون دئییل.
بیز نه زامان بیرلشمه یی و بیرگه موباریزه ائتمه نی تجروبه ائده بیله جه ییک؟ بو گون آرتیق دموکراتیک پرنسیب لره اینانلارین توتوملو هدف لر دوغرولتوسوندا بیرلشمه زمانی گلمیش دیر. "آنا دیلیمیز" بیزی بیرلشدیره بیلیر. بو گون آذربایجان میلتینین اساس ایسته گی بو دیلین رسمی بیر دیل اولماسی دیر. هئچده تصادفی دئییل کی بو گونلر گونئی ده اولان هر بیر متینگین اساس شوعاری:
منیم دیلیم اولن دئییل
باشقا دیله دونن دئییل
آنا دیلینده مدرسه
اولمالی دیر هر کسه
اولموشدور. بیز ذهنیت دونیاسیندان چیخیب بیر آزدا عینیت ده دانیشمالییق. آنا دیلیمیزین آزادلیغی سون آماج دئییل، آما بیر عینیت اولاراق اساسی اولویت دیر.
گله جک بیزیمدیر
Yurd.net وبسایت
2007-02-04
No comments:
Post a Comment